Прыдзі Вясна, прыдзі красна к нам у таночак!..
На двары пятнаццаціградусны мароз, моцна скуголіць вецер, снега навалена па дахі….але - у паветры ўжо стаіць вясновы дух … Ужо выглядае яркае вясёлае сонейка, а грунтавыя вады набіраюць сілу и імкліва абуджаюць наваколле…
Песнямі, гульнямі, пляскамі ўшаноўвалі і зазывалі мы Вясну, прымая ўдзел у прыродным свяце! И як быццам занава нараджаліся, абнаўляліся разам з Прыродай. Шчырыя настаўнікі, пяшчотныя вяснянкі, вясёлыя скамарохі, прыгожыя дзяўчаты і мужныя хлопцы – усе шчодра дзяліліся настроем і душэўным станам. Далёка вакол было слыхаць вяселейка!
